Մեր մասին

Մեր պատմությունը

«Նորքի Մարանի» ընկերությունը հիմնադրվել է 2020 թվականին` Դերձակյանների
ընտանիքի 150 տարվա պատմություն ունեցող տնային գինեգործատան հիման վրա`
ընտանեկան ավանդույթները շարունակելու և գինու արտադրությունը զարգացնելու
նպատակով: Հիմնադիրները Դերձակյան եղբայրներն են ու նրանց մտերիմ ընկերները:
Հիմնադիրների նպատակն էր Հայաստանում ստեղծել և զարգացնել փոքր մառաններում և
գինեգործատներում ավանդական գինու վաղուց ի վեր հայտնի ուղղությունը, որը վերջին
տասնամյակներին ակտիվորեն տարածվել է Եվրոպայի երկրներում և ենթադրում է
ընտանեկան գինու արտադրություն: Արտադրության հիմքում դրված են Դերձակյան
ընտանիքի տեխնոլոգիաները և մեթոդները: Սկզբնական փուլում ընկերությունը նախատեսում
է տարեկան արտադրել մինչև 1500 դեկալիտր գինի: Արտադրության մեջ օգտագործվում են
խաղողի բարձրորակ տեսակներ՝ Հայաստանի Վայոց Ձորի մարզի սև «Արենի»-ն և սպիտակ
«Խարջի»-ն, Արմավիրի մարզի սպիտակ «Կանգուն»-ն ու սև «Կարմրահյութ»-ը, ինչպես
նաև Նորքի խաղողի այգիների «Խաչաբաշ» տեսակի սպիտակ խաղողը: Մշտական
լաբորատոր հսկողությունն ու ժամանակակից տեխնոլոգիաների ներդրումը հնարավորություն
են տալիս ստանալու մի արտադրանք, որը համապատասխանում է գինուն ներկայացվող
օրենսդրական պահանջներին և ԳՕՍՏ ստանդարտներին՝ Հայաստանում և Եվրասիական
տնտեսական միության երկրներում: 2020 թվականին ընկերությունը հիմնել և գրանցել է
«Նորքի Կեղար» ապրանքային նշանը: Այսօր ընկերությունը գինիներ է արտադրում և
վաճառում Հայաստանի տարածքում և պլանավորում է դուրս գալ արտաքին շուկա: